Waziri wa Fedha na Uchumi Mh Dkt. William Mgimwa Afariki Nchini Afrika Ya Kusini Leo,Rais Jakaya Kikwete Atuma Salaam Za Rambirambi

Waziri wa Fedha, Dk. William Augustao Mgimwa (63) enzi za uhai wake

 Rais Jakaya Kikwete 

Katibu Mkuu Kiongozi Ombeni Sefue
----

 Rais wa Jamhuri ya Muungano wa Tanzania, Mheshimiwa Jakaya Mrisho Kikwete amepokea kwa mshtuko na huzuni kubwa taarifa za kifo cha Waziri wa Fedha, Mheshimiwa William Mgimwa, aliyekuwa pia Mbunge wa Jimbo la Kalenga (Mkoa wa Iringa) kupitia Chama cha Mapinduzi (CCM).

Rais Kikwete amesema kuwa taifa limempoteza Waziri Mgimwa katika kipindi lilipokuwa linamhitaji zaidi kutokana na mchango wake mkubwa ambao amekuwa akiutoa kupitia nafasi zake za Waziri wa Serikali na mwakilishi wa wananchi wa Jimbo la Kalenga.

Kifo cha Mheshimiwa Mgimwa kimetangazwa mchana wa leo, Jumatano, Januari Mosi, 2014, na Katibu Mkuu Kiongozi (KMK) Balozi Ombeni Sefue kwa niaba ya Serikali ya Jamhuri ya Muungano wa Tanzania.

Katika tangazo lake, Balozi Sefue amesema kuwa Waziri Mgimwa ameaga dunia asubuhi ya leo saa 5:20 (Saa za Afrika ya Kati) katika Hospitali ya Kloof Medi-Clinic , Pretoria, Afrika Kusini ambako amekuwa amelazwa kwa muda sasa.

Balozi Sefue amesema kuwa maandalizi ya kuurudisha nyumbani mwili wa Waziri Mgimwa yanafanywa na Serikali kwa kushirikiana na familia yake na kuwa taarifa zaidi za suala hilo zitatolewa baadaye kwa kadri zinavyopatikana na maandalizi yanavyoendelea.

Katika salamu zake kwa Waziri Mkuu Mheshimiwa Mizengo Pinda na kwa familia ya Marehemu Mgimwa, Rais Kikwete amesema:  “Sina maneno ya kutosha kuelezea mshtuko na huzuni yangu kubwa kufuatia taarifa za kifo cha Mheshimiwa Mgimwa.

Binafsi nimemtembelea mara mbili kwenye Hospitali alikokuwa amelazwa na mara ya mwisho hali yake ilikuwa imeimarika. Tulizungumza kwa kiasi cha dakika 10 hivi akanielezea nia yake na tamaa yake ya kurejea nyumbani kwa sababu hali yake ilikuwa nzuri.”

Ameongeza Mheshimiwa Rais Kikwete: “Sote tunajua mchango wake katika Serikali. Sote tulitamani kuendelea kuwa naye, lakini haya ni mapenzi ya Mungu.”

“Napenda kutoa pole nyingi na rambirambi zangu za dhati kwa wana-familia wote kwa kuondokewa na mhimili wao. Naungana nanyi katika kuomboleza msiba huo mkubwa. Napenda mjue kuwa msiba huu ni msiba wangu pia. Machungu yenu ni majonzi yangu,” amesema Rais Kikwete.

Rais pia amewatumia rambirambi wananchi wa Jimbo la Kalenga akisema kuwa wamempoteza mwakilishi na mtetezi mahiri wa maslahi yao.
----  
Wasifu Wa Profesa William Mgimwa

Salutation	Honourable
First Name:	William
Middle Name:	Augustao
Last Name:	Mgimwa
Member Type:	Constituency Member
Constituent:	Kalenga
Political Party:	CCM
Member Status:	Current Member
Date of Birth	20 January 1950

EDUCATION
School Name/Location	Course/Degree/Award	Start Date	End Date	Level
Institute of Development Management, IDM, Mzumbe	MBA (Finance)	1989	1991	MASTERS DEGREE
Institute of Finance Management, IFM	Postgraduate (Finance)	1983	1984	POSTGRADUATE
Institute of Finance Management, IFM	Advanced Diploma (Banking)	1975	1978	ADV DIPLOMA
Tosamaganga Seminary School	O-Level Education	1968	1969	SECONDARY
Mafinga Seminary School	O-Level Education	1970	1971	SECONDARY
Wasa Primary School	Primary Education	1961	1965	PRIMARY
Tosa Seminary Primary School	Primary Education	1966	1967	PRIMARY

EMPLOYMENT HISTORY
Company Name	Position	From	To
The Parliament of Tanzania	Member - Kalenga Constituency	2010	2015
Bank of Tanzania Training Institute (Mwanza)	Principal	2000	2010
The National Bank of Commerce (NBC) - Bank	Director	1997	2000
The National Bank of Commerce (NBC) - Bank	Manager	1996	1997
The National Bank of Commerce (NBC) - College	Lecturer	1981	1989
The National Bank of Commerce (NBC) - Bank	Accountant	1980	1981

POLITICAL EXPERIENCE
Ministry/Political Party/Location	Position	From	To
Chama Cha Mapinduzi, CCM	Ward Guardian (Wasa, Iringa)	2008	2010
Chama Cha Mapinduzi, CCM	Assistant Commander (UVCCM)	1994	1995
Chama Cha Mapinduzi, CCM	Councillor (Gangilonga Ward)	1991	1994

PUBLICATIONS
Description	Date
W. Mgimwa: Liquidity Management, Tanzania Bankers Journal, Dar Es Salaam.	1994
W. Mgimwa: Commercial Bank Lending Journal, Dar Es Salaam.	1995
W. Mgimwa: Advanced Credit Operations, Dar Es Salaam.	2007
W. Mgimwa: Advanced Treasury Management, Dar Es Salaam.	2009

on Wednesday, January 1, 2014