TAARIFA YA JESHI LA POLISI MKOA WA MBEYA KWA VYOMBO VYA HABARI

                                                              JESHI LA POLISI MKOA WA MBEYA LINAWASHIKILIA WATU WATATU KWA TUHUMA ZA MAUAJI.

·         JESHI LA POLISI MKOA WA MBEYA LINAMSHIKILIA MTU MMOJA AKIWA NA MALI YA WIZI.

JESHI LA POLISI MKOA WA MBEYA LINAWASHIKILIA WATU WATATU KWA TUHUMA ZA MAUAJI.

MTU MMOJA ALIYETAMBULIKA KWA JINA LA ESSAU ANDONGWISYE (39) MKAZI WA KIJIJI CHA IBILILO ALIFARIKI DUNIA WAKATI AKIENDELEA KUPATIWA MATIBABU KATIKA HOSPITALI YA MISHENI IGOGWE – TUKUYU.  AWALI MNAMO TAREHE 01.02.2014 MAJIRA YA SAA 23:00HRS USIKU KATIKA KITONGOJI CHA LUBATI MAREHEMU ALIPIGWA UBAO KICHWANI NA WATUHUMIWA 1. ELIZABETH BUKOJI (45), 2. OSIA WEST (18) NA 3. ATUPELE MWAMAKIMBULA (48) WOTE WAKAZI WA KIJIJI CHA IBILILO. UCHUNGUZI UNAONYESHA CHANZO NI UGOMVI ULIOTOKEA KATIKA KILABU CHA POMBE ZA KIENYEJI. WATUHUMIWA WAMEKAMATWA NA TARATIBU ZA KISHERIA ZINAENDELEA. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUEPUKA UGOMVI KWANI MADHARA YAKE NI MAKUBWA NI KINYUME CHA SHERIA NA BADALA YAKE WATUMIE NJIA ZA AMANI KATIKA KUTATUA MIGOGORO YAO.

JESHI LA POLISI MKOA WA MBEYA LINAMSHIKILIA MTU MMOJA AKIWA NA MALI YA WIZI.

JESHI LA POLISI MKOA WA MBEYA LINAMSHIKILIA FLARIANO PORITAN (26) MKAZI WA IGAWA AKIWA NA VIPANDE VITATU VYA SHABA. MTUHUMIWA ALIKAMATWA KATIKA MSAKO ULIOFANYIKA TAREHE 03.02.2014 MAJIRA YA SAA 12:30HRS MCHANA KATIKA KIJIJI CHA IGAWA WILAYANI MBARALI. MTUHUMIWA NI MWIZI WA MALI ZINAZOSAFIRISHWA  KATIKA MAGARI YA MIZIGO. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA VIJANA KUFANYA KAZI HALALI ILI KUJIPATIA KIPATO NA KUACHA TAMAA YA MALI KWA NJIA ZISIZO HALALI. AIDHA ANATOA WITO KWA JAMII KUSHIRIKIANA NA JESHI LA POLISI KWA KUTOA TAARIFA ZA WAHALIFU NA UHALIFU ILI WAKAMATWE NA SHERIA IFUATE MKONDO WAKE.

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.

on Tuesday, February 4, 2014