TAARIFA YA JESHI LA POLISI MKOA WA MBEYA KWA VYOMBO VYA HABARI

 

“PRESS RELEASE” TAREHE 17.03.2014.

• MTU MMOJA AFARIKI DUNIA BAADA YA GARI WALILOKUWA WAKISAFIRIA KUACHA NJIA NA KUPINDUKA.

• MWENDESHA PIKIPIKI AFARIKI DUNIA BAADA YA KUGONGWA NA GARI.

MTU MMOJA AFARIKI DUNIA BAADA YA GARI WALILOKUWA WAKISAFIRIA KUACHA NJIA NA KUPINDUKA.

GARI LENYE NAMBA ZA USAJILI T.182 AVL AINA YA TOYOTA NOAH LILILOKUWA LIKIENDESHWA NA DEREVA ALIYEFAHAMIKA KWA JINA LA MBAKI AMOS (42) MKAZI WA KIJIJI CHA USHIRIKA LILIACHA NJIA NA KUPINDUKA NA KISHA KUSABABISHA KIFO CHA DEREVA HUYO MUDA MFUPI BAADA YA KUFIKISHWA HOSPITALI YA MAKANDANA –TUKUYU.

AJALI HIYO ILITOKEA TAREHE 16.03.2014 MAJIRA YA SAA 16:16 JIONI HUKO KATIKA KIJIJI NA KATA YA MASOKO, TARAFA YA PAKATI, WILAYA YA RUNGWE MKOA WA MBEYA KATIKA BARABARA YA TUKUYU/LUANGWA.

AIDHA KATIKA AJALI HIYO MTU MMOJA ALIYEFAHAMIKA KWA JINA LA MESHACK ISACK (19) MKAZI WA MASOKO ALIJERUHIWA NA AMELAZWA HOSPITALINI HAPO. CHANZO CHA AJALI NI MWENDO KASI.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA.

MWENDESHA PIKIPIKI AFARIKI DUNIA BAADA YA KUGONGWA NA GARI WILAYANI MBOZI.

MWENDESHA PIKIPIKI MMOJA AMBAYE HAKUWEZA KUFAHAMIKA JINA LAKE WALA MAKAZI YAKE ALIYEKUWA AKIENDESHA PIKIPIKI YENYE NAMBA ZA USAJILI  T.266 CSJ AINA YA  KING LION ALIFARIKI DUNIA PAPO HAPO BAADA YA KUGONGWA NA GARI YENYE NAMBA ZA USAJILI T.496 BGG AINA YA TOYOTA NOAH ILIYOKUWA IKIENDESHWA NA DEREVA  ALIYEFAHAMIKA KWA JINA LA TIMOTH WILSON.

AJALI HIYO ILITOKEA TAREHE 16.03.2014 MAJIRA YA SAA 19:30 USIKU KATIKA KIJIJI CHA HANSEKETWA, KATA NA TARAFA YA VWAWA, WILAYA YA MBOZI, MKOA WA MBEYA, BARABARA YA MBEYA/TUNDUMA.

CHANZO CHA AJALI KINACHUNGUZWA. MWILI WA MAREHEMU UMEHIFADHIWA HOSPITALI YA SERIKALI WILAYA YA MBOZI. MTUHUMIWA AMEKAMATWA NA TARATIBU ZA KISHERIA ZINAFANYIKA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA.

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.

on Monday, March 17, 2014