TAARIFA YA JESHI LA POLISI MKOA WA MBEYA KWA VYOMBO VYA HABARI

 

“PRESS RELEASE” TAREHE 09.03.2014. 

• MWANAMUME MMOJA MKAZI WA KIJIJI CHA UKWAVILA AUAWA KATIKA UGOMVI.

• MWANAFUNZI WA SHULE YA MSINGI AFARIKI DUNIA BAADA YA KUGOGWA NA GARI WILAYANI RUNGWE.

• MTOTO MWENYE UMRI WA MIAKA MITATU AFARIKI DUNIA BAADA YA KUTUMBUKIA KATIKA CHOO.

• JESHI LA POLISI MKOA WA MBEYA LINAMSHIKILIA MTU MMOJA AKIWA NA POMBE HARAMU YA MOSHI [GONGO].

MWANAMUME MMOJA MKAZI WA KIJIJI CHA UKWAVILA AUAWA KATIKA UGOMVI.

 

MWANAMUME MMOJA ALIYEFAHAMIKA KWA JINA MOJA LA MPOSOLE (35) MKAZI WA MUHONGOLE ALIUAWA KWA KUCHOMWA NA KITU CHENYE NCHA KALI NA MAKALI SEHEMU ZA KICHWANI NA SHINGONI NA MTUHUMIWA AITWAYE  VENANCE MUYINGA UMRI KATI YA MIAKA 30-35, MKAZI WA UKWAVILA. TUKIO HILO LILITOKEA MAJIRA YA SAA 00:01HRS USIKU WA KUAMKIA TAREHE 08.03.2014 HUKO KATIKA KIJIJI CHA UKWAVILA, KATA YA MUHONGOLE, TARAFA YA ILONGO, WILAYA YA MBARALI. CHANZO CHA MAUAJI HAYO NI UGOMVI ULIOTOKANA NA TUHUMA ZA WIZI WA BAISKELI KATI YA MAREHEMU NA MTUHUMIWA TANGU MWAKA 2013. MTUHUMIWA ALITOROKA MARA BAADA YA TUKIO HILO, JITIHADA ZA KUMTAFUTA ZINAENDELEA. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA TABIA YA KUJICHUKULIA SHERIA MKONONI KWANI NI KINYUME CHA SHERIA NA BADALA YAKE WAWAFIKISHE WATUHUMIWA WANAO WAKAMATA KWA TUHUMA MBALIMBALI KATIKA VYOMBO HUSIKA KWA HATUA ZAIDI ZA KISHERIA.

MWANAFUNZI WA SHULE YA MSINGI AFARIKI DUNIA BAADA YA KUGOGWA NA GARI WILAYANI RUNGWE.

 

MWANAFUNZI WA SHULE YA MSINGI MPUMBULI DARASA LA TANO ALIYEFAHAMIKA KWA JINA LA THOMAS PHILIPO (13) MKAZI WA MPUMBULI AMEFARIKI DUNIA WAKATI AKIPATIWA MATIBABU KATIKA HOSPITALI YA WILAYA MAKANDANA – TUKUYU BAADA YA KUGOGWA NA GARI LISILOFAHAMIKA NAMBA ZAKE ZA USAJILI WALA DEREVA WAKE. TUKIO HILO LILITOKEA MNAMO TAREHE 08.03.2014 MAJIRA YA SAA 20:00HRS USIKU HUKO KATIKA KIJIJI CHA MPUMBULI, KATA YA MPUGUSO, TARAFA YA PAKATI, BARABARA YA TUKUYU/KYELA WILAYA YA RUNGWE. MWILI WA MAREHEMU UMEHIFADHIWA HOSPITALINI HAPO. CHANZO CHA AJALI KINACHUNGUZWA, DEREVA ALIKIMBIA MARA BAADA YA AJALI HIYO NA JUHUDI ZA KUMTAFUTA ZINAENDELEA. KAMANDA WA POLISI MKOA WA MBEYA KAMISHINA MSAIDIZI MWANDAMIZI  WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUZINGATIA/KUFUATA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. PIA ANATOA WITO KWA WATUMIAJI WENGINE WA BARABARA KUWA MAKINI WATUMIAPO BARABARA IKIWA NI PAMOJA NA KUFUATA SHERIA NA ALAMA ZA USALAMA BARABARANI IKIWA NI PAMOJA NA KUVUKA KATIKA ALAMA ZA KUVUKIA [ZEBRA CROSSING]. AIDHA ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA WA TUKIO HILI AZITOE KATIKA MAMLAKA HUSIKA ILI AKAMATWE NA HATUA ZA KISHERIA ZICHUKULIWE DHIDI YAKE.

MTOTO MWENYE UMRI WA MIAKA MITATU AFARIKI DUNIA BAADA YA KUTUMBUKIA KATIKA CHOO.

MTOTO MWENYE UMRI WA MIAKA MITATU (03) ALIYEFAHAMIKA KWA JINA LA INNOCENT OSCAR MKAZI WA KIJIJI CHA ILUNDO AMEFARIKI DUNIA BAADA YA KUTUMBUKIA KATIKA SHIMO LA CHOO KILICHOKUWA KIMEJAA MAJI. TUKIO HILO LIMETOKEA MNAMO TAREHE 08.03.2014 MAJIRA YA SAA 15:00HRS ALASIRI HUKO KATIKA KIJIJI CHA ILUNDO, KATA YA KIWIRA, TARAFA YA UKUKWE, WILAYA YA RUNGWE.  CHANZO CHA KIFO CHA MTOTO HUYO NI BAADA YA KWENDA KUJISAIDIA KATIKA CHOO HICHO AKIWA PEKE YAKE. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA WAZAZI/WALEZI KUWA MAKINI KWA KUWEKA UANGALIZI WA KUTOSHA KWA WATOTO WAO ILI KUEPUKA MADHARA YANAYOWEZA KUJITOKEZA. PIA ANATOA WITO KWA WAMILIKI WA NYUMBA KUWA NA KAWAIDA YA KUANGALIA UIMARA WA VYOO HASA VYA SHIMO ILI KUEPUKA MADHARA YANAYOWEZA KUTOKEA KAMA HAYO. AIDHA ANATOA WITO KWA JAMII KUFUKIA MASHIMO AMBAYO HAYATUMIKI NA KUFUNIKA VISIMA VILIVYOPO KATIKA MAENEO YAO KWANI NI HATARI KWA WATOTO UKIZINGATIA TUNAELEKEA KATIKA KIPINDI CHA MVUA NYINGI.

JESHI LA POLISI MKOA WA MBEYA LINAMSHIKILIA MTU MMOJA AKIWA NA POMBE HARAMU YA MOSHI [GONGO].

JESHI LA POLISI MKOA WA MBEYA LINAMSHIKILIA MTU MMOJA ALIYEFAHAMIKA KWA JINA LA BESTA HASSAN (48) MKAZI WA KYIMO AKIWA NA POMBE HARAMU YA MOSHI [GONGO] UJAZO WA LITA 20 KATIKA NDOO YA PLASTIC. MTUHUMIWA ALIKAMATWA KATIKA MSAKO ULIOFANYIKA MNAMO TAREHE 08.03.2014 MAJIRA YA SAA 13:00HRS MCHANA HUKO KATIKA KIJIJI NA KATA YA KYIMO, TARAFA YA UKUKWE, WILAYA YA RUNGWE. MTUHUMIWA NI MUUZAJI NA MTENGENEZAJI WA POMBE HIYO. TARATIBU ZA KUMFIKISHA MAHAKAMANI ZINAFANYIKA. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUTUMIA POMBE HARAMU YA MOSHI KWANI NI KINYUME CHA SHERIA NA NI HATARI KWA AFYA YA MTUMIAJI

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.

on Sunday, March 9, 2014