BONGO MOVIE KUNA NINI JAMANI?!! .... MSANII MWINGINE TENA HALI YAKE MBAYA

 

MSANII wa vichekesho kutoka Kundi la Vituko Show, Ismail Makombe ‘Mapembe’, anadai kuingizwa mjini na staa mwenzake, Mussa Yusuf Kitale ‘Mkude Simba’ kwa kumuahidi kumchangishia pesa na mwisho kuingia mitini.

Akizungumza na gazeti hili hivi karibuni, Mapembe ambaye hali yake ni mbaya kiafya alisema:

“Ndugu yangu kweli hujafa hujaumbika, naumwa kweli nakosa msaada wa karibu kutoka kwa wasanii wenzangu na leo naishia kutoa lawama huku wengine wakiniingiza mjini kama alivyonifanyia Kitale aliyeniahidi kunichangishia pesa na kunikataza kuombaomba kwa madai ya kuitia aibu tasnia yetu lakini mpaka leo.”

Staa wa Maigizo upande wa vichekesho, Mussa Yusuf Kitale ‘Mkude Simba’ akiwa kwenye ofisi za Global publishers.

 

Baada ya kupata madai hayo, paparazi wetu alimtafuta Mkude Simba ‘Kitale’ na alipopatikana alisema: “Ni kweli Mapembe nilimuahidi kumchangishia pesa ila baada ya wazo hilo kulifikisha kwenye chama chetu cha komedi viongozi waligoma kumsaidia kwa madai kuwa yeye siyo mwanachama wao na hata kipindi chama kinaanzishwa aligoma kujiunga kwa kuona hakina maana hivyo nao wamekataa, kwa hiyo hana sababu ya kunilalamikia.”

on Friday, June 20, 2014