Msajili wa vyama vya Siasa Jaji F. Mutungi amzuia Mbowe kugombea uenyekiti tena ... Tundu Lissu atoa kauli nzito

Msajili wa Vyama vya Siasa Jaji Mutungi.

Dar es Salaam. Ofisi ya Msajili wa Vyama vya Siasa imesema haitambui kuondolewa kwa kipengele cha ukomo wa uongozi uliofanywa na Chadema bila kufuata idhini ya mkutano mkuu wa chama hicho.

Mwaka 2006, Katiba ya Chadema ilifanya marekebisho yaliyoruhusu wanachama kugombea uongozi bila ukomo wakati awali, waliruhusiwa kugombea kwa vipindi viwili vya miaka mitano.

Barua ya Msajili wa Vyama vya Siasa, Jaji Francis Mutungi kwenda kwa Katibu Mkuu wa Chadema, inasema kipengele hicho katika Ibara ya 6.3.2 (C) kiliondolewa kwenye katiba bila idhini na mkutano mkuu wa chama hicho. Mutungi alisema baada 

ya kupitia muhtasari wa kikao cha mkutano mkuu wa mwaka 2006 suala la kuondoa kipengele cha ukomo wa uongozi halikuonyesha kujadiliwa katika mkutano huo.Hata hivyo, akizungumza kwa simu jana, Katibu Mkuu wa Chadema, Dk Willibrod Slaa alisema kipengele hicho kiliondolewa kwa vikao vya chama ambavyo ni wilaya na mkoa.

“Mjadala kuhusu ukomo wa uongozi ulishamalizika na haujadiliwi tena, ulishapitishwa na vikao halali vya chama, mkutano mkuu ulipitisha yale yaliyoamuliwa na vikao vya chini,” alisema Dk Slaa.

Hata hivyo, Jaji Mutungi alisema: “Chadema wamefanya mabadiliko bila kufuata katiba”

Alishauri waitishe mkutano rasmi na halali kwa mujibu wa katiba ya chama hicho ili waweze kurekebisha kasoro zilizopo.Alisema kama chama hicho hakitarekebisha kasoro hiyo, Ofisi ya Msajili wa Vyama vya Siasa haiwezi kuitambua ibara hiyo.Alisema ingawa hoja hiyo iliwasilishwa na aliyekuwa Mwenyekiti wa Chadema Mkoa wa Arusha, Samson Mwigamba ambaye sasa si mwanachama wake, bado hoja hiyo ni muhimu na inahitaji kufanyiwa kazi.

“Ni vizuri mkaifanyia kazi hoja hiyo bila kujali kwamba aliyeiwasilisha si mwanachama tena wa Chadema,” alisema katika barua hiyo 

 

LISSU AFUNGUKIA SAKATA HILI ...

Dr.Wilbroad Slaa akigombea Uenyekiti wa Chadema naye Mhe.Mbowe akagombea Ukatibu Mkuu wa Chadema Uchaguzi ujao kuna tatizo?.

Hakika chaguzi hizi zinazofuata, zitawarudisha Wasakatonge na Intarahamwe wengi vijijini kwao kutoka Dar Es Salaam, hatutakuwa na cha swalia mtume kwamba alikopa Benki za Umma wa Watanzania mamillioni ya Shillingi, mali zake zote zitapigwa mnada, zikawasaidie Wanafunzi wanaoketi juu ya mawe na akina mama wajawazito wanaojifungulia sakafuni kwa kukosa vitanda mahospitalinl huko majimboni.

Ikumbukwe kwamba Chadema ni Chama Kikuu cha upinzani Nchini, hatua ya kuitwa Chama Kikuu Cha upinzani Nchini ni 'Long Process' inayopitia matukio mengi ambayo sio kirahisi tu kuishushia hadhi Chadema kwa matumizi ya 'Poor technics' kama hizi tunazoshudia sasa. Sisi hatuna wasiwasi hata kidogo kwa sababu hawa ni watu wadogo sana.

Endeleeni kuzitangaza Ilani, Falsafa, Sera na Itikadi za Chama chetu kama kawaida popote pale mlipo, hizi ni dalili za wazi za anguko la watawala wanaoamini kabisa kwamba uongozi wa kidemokrasia ni mtaji wa maisha ya mhusika

on Monday, June 30, 2014