YAYA TOURE NA KOLO TOURE WAFIWA NA MDOGO WAO.

 

Oyala Ibrahim Toure enzi za uhai wake.

Ndugu wawili Kolo na Yaya Toure wakiwa pamoja.

Wakati mgumu unaendelea kuwa kumba wachezaji wa kikosi cha timu ya Taifa ya Ivory Coast baada ya nyota wa tegemezi wa timu hiyo Yaya na Kolo Toure kufiwa na mdogo wao wa kiume wakati ndugu hao wawili wakiwa katika kazi ya kutetea Taifa lao kunako fainali za kombe la Dunia nchini Brazil.

Msiba huo mkubwa kwa Yaya Toure pamoja na kaka yake Kolo Toure umetokea jana jijini Manchester ambapo mdogo wao Oyala Ibrahim Toure alifariki akiwa hosptali The Christie akipewa matibabu baada ya kuugua saratani.

Ibrahim Toure amefariki akiwa na umri wa miaka 28 jana wakati kaka zake wakiwa uwanjani wakitetea taifa lao licha ya kuambulia kufungwa kwa bao 2-1.

Tofauti na msiba huo ambao umechoma mioyo ya Yaya na Kolo Toure pia mchezaji wa timu hiyo ya Ivory Coast  Serey Die jana masaa 2 kabla ya mchezo dhidi ya Colombia kuanza alipokea taarifa za msiba wa baba yake na kufanya mchezaji huyo kucheza akiwa katika wakati mgumu ki-fikra.

Klabu ya Manchester City imetuma salamu za rambirambi katika familia ya Toure kufatia msiba huo.

Ngugu watatu Yaya, Kolo na Ibrahim Toure katika picha ya pamoja

Katika maisha ya Oyala Ibrahim Toure amewahi kuzichezea klabu za
i. 2002-2003: ASEC Mimosas
ii. 2003-2006: Metalurh Donetsk
iii. 2006-2007: OGC Nice
iv. 2009-2010: Al-Ittihad Aleppo
v. 2010-2013: Misr Lel Mikasa
vi. 2012: Telephonat Beni Sweif (loan)
vii. 2013-2014: Al-Safa’ SC

Bwana ameto, bwana ametwaa jina lake lihimidiwe………AMINA

on Saturday, June 21, 2014