Rais Dkt.Jakaya Mrisho Kikwete na mkewe mama Salma Kikwete
wakitoa heshima za mwisho mbele ya jeneza la Kada Mkongwe wa CCM Marehemu Mzee Peter Kisumo wakati wa ibada ya
mazishi iliyofanyika huko kijijini kwake Usangi- Mwanga Mkoani Kilimanjaro leo.
.........................................................................................................
Rais wa Jamhuri ya
Muungano wa Tanzania, Jakaya Kikwete jioni ya leo, ameungana na mamia ya waombolezaji katika mazishi ya mwanasiasa
mkongwe wa Tanzania, Peter Kisumo ambaye amezikwa nyumbani kwake
katika Kijiji cha Ngujini, Wilaya ya Mwanza, Mkoa wa Kilimanjaro.
Akitokea Dodoma
ambako amekuwa anaongoza vikao vya Chama cha Mapinduzi (CCM), Rais Kikwete
akifuatana na Mama Salma Kikwete, amejiunga na mamia ya waombolezaji wakati wa
salamu zilizokuwa zinatolewa na watu mbali mbali katika Kanisa ya Usharika wa
Kilindu la Kanisa la Kiinjili la Kilutheri Tanzania (KKKT).
Mzee Peter Abdallah
Kisumo ambaye alizaliwa Agosti Mosi, mwaka 1935 katika Wilaya ya Pare, Mkoa wa
Kilimanjaro aliaga dunia Jumapili ya Agosti 2, mwaka huu, akiwa na umri w miaka 80.
Wakati wa kutoa
salamu, Waziri wa Katiba na Sheria, Dkt. Asha Rose Migiro ametoa kwa niaba ya
Serikali na kwa niaba ya Rais Kikwete,
na Mzee David Cleopa Msuya ametoa shukutani kwa niaba ya familia ya Mzee Kisumo.
Mara baada ya
kumalizika kwa salamu hizo kwenye Kanisa la Usharika wa Kilindu, Rais Kikwete ameongozana na mwili wa marehemu
ambao ulikuwa umepambwa kwa bendera ya CCM kwenda Kijijini Ngujini kwa mazishi.
Mwili wa Marehemu Kisumo umeteremshwa kaburini kiasi cha saa 11:15 jioni.
Mzee
Kisumo ambaye alianza maisha yake ya kazi kama Bwana Shamba wa Serikali kabla
ya kuingia katika uongozi wa vyama vya wafanyakazi alipata pia kuwa Waziri wa
Serikali katika vipindi mbali mbali na Mkuu wa Mikoa ya Kilimanjaro (mara
mbili), Singida, Pwani, Dar es Salaam na Mwanza.
Rais Kikwete ameondoka Kilimanjaro mara tu baada
ya mzishi hayo kurejeaDodoma.
Post a Comment