Licha
ya kudai kwamba skendo za ngono sasa basi, staa wa sinema za Kibongo,
Wema Isaac Sepetu ‘Madam’ amekwaa aibu mpya baada ya picha zake kunaswa
akiwa na mwanaume mwingine kwa mara nyingine, mwenye asili ya Jamhuri ya
Kidemokrasia ya Kongo (DRC), wakiwa kwenye Mgahawa wa hoteli iliyotajwa
kwa jina la Cape-town Fish Market iliyopo Msasani jijini Dar.
Chanzo
cha habari ambacho kilipenyeza kuwa, katika tukio hilo la hivi
karibuni, staa huyo alikuwa hafahamiani na mwanaume huyo, lakini kuna
kijana mmoja ambaye mara nyingi anawakuwadia mastaa wa Bongo kwa
matajiri, alidaiwa kumtonya Wema kuwa kuna ‘mchati’ anataka kutoka naye.
Kilifunguka
kwamba, baada ya Wema kung’atwa sikio juu ya Mkongomani ambaye ana
‘hela chafu’, alidaiwa kuonekana kuchachawa hivyo eti alikubali
kupelekwa kwake akajazwe ‘mihela’.
Chanzo
hicho kilizidi kumwaga habari za jikoni kuwa baada ya Wema kufika
hotelini hapo, alitambulishwa kwa Mkongo huyo ambapo baada ya
kusalimiana tu, walikaa pamoja na kuanza ‘kufanya yao’.
Mpashaji
huyo alizidi kufunguka kuwa baada ya kukaa na kupata kinywaji cha
kutosha, walianza kupiga picha mbalimbali bila kujali kama kuna watu
wanaweza kuwapiga picha na baada ya hapo walianza kupigana mabusu
yaliyowaacha hoi wapiga chabo a.k.a wavimba macho.
Mpashaji
huyo alidai kwamba, baada ya Wema na Mkongo huyo kukutana na kumaliza
‘shida’ zao, kila mtu alichukua hamsini zake huku jamaa huyo
‘akim-block’ Wema kwenye simu.
Ukimwacha
Mkongo huyo, huko nyuma Wema aliwahi kuripotiwa kutoka na wanaume
kadhaa wakiwemo, TID, Mr Blue, marehemu Steven Kanumba, Yusuf Jumbe
Yusuf, Charles Gabriel ‘Chaz Baba’, Nasibu Abdul ‘Diamond Platnumz’ na
CK huku wengine zikiwa ni skendo tu na mwenyewe kuzikanusha.
Post a Comment