RONALDO: FERGIE NI BABA YANGU WA SOKA

 

MADRID, Hispania

“Yeye ni mtu wa ajabu sana. Binadamu muungwana. Alinifundisha mambo mengi sana.

Kama nilivyowahi kusema hapo kabla kuwa, yeye kwangu mimi ni kama baba katika soka”

MSHAMBULIAJI Cristiano Ronaldo (pichani juu), amedai kuwa kama mchezaji, bado anajihisi kumpoteza na kukosa vitu muhimu vya Sir Alex Ferguson kama kocha wake.

Nyota huyo wa klabu ya Real Madrid mwenye umri wa miaka 27, alitumia jumla ya misimu sita akiwa chini ya Fergie klabuni Old Trafford, kabla ya kuhama na kutimkia Bernabeu – na bado atakuwa mbali na kocha wake wa zamani kwa miaka mitatu ijayo.

Ronaldo alisema: “Yeye ni mtu wa ajabu sana. Binadamu muungwana. Alinifundisha mambo mengi sana.

“Kama nilivyowahi kusema hapo kabla kuwa, yeye kwangu mimi ni kama baba katika soka. Kimsingi nimepotezana naye na kumkosa na mahusinao yangu kwake kwa ujumla.”

Licha ya kumkumbuka, lakini Ronaldo alifichua kuwa, Fergie angali imara na mkali kwa wachezaji wake, licha ya ukweli kuwa anatarajia kutimiza umri wa mika 71 hapo Desemba.

Ronaldo akaongeza kuwa: “Fergie bado imara. Nadhani yeye hawezi kuwa hivyo kwa sababu, upi umri wake? Miaka 70? Sio mzuri kwa moyo wake.

“Yeye bado imara, mwenye nguvu, nakumbuka mara yangu ya kwanza kabisa, nilimuona akiwa na nguvu sawa na alizonazo sasa,” alikumbuka Ronaldo.

on Sunday, November 18, 2012