WATANZANIA WAMETAKIWA KUCHUKUA HATUA JUU YA UPIMAJI WA AFYA ZAO

WATANZANIA wametakiwa kuutumia mwaka 2013 kuwa wakujieleimisha na kuchukua hatua ya kupima afya zao, kubaini mapema kama wamekumbwa na saratani ya tezi dume, matiti na shingo ya uzazi, hali itakayosaidia kutibu maradhi hayo kwa haraka.

Kauli hiyo ilitolewa jijini Dar es Salaam jana, Mratibu wa ‘Tanzania 50 Plus Campaign, Mchungaji Dk Emmanuel Kandus, wakati alipokuwa akitoa ujumbe wa mwaka mpya kuhusu hali halisi ya maradhi hayo, jinsi yanavyoshika kasi kila kukicha.

“Tunashudia watu wengi wamekuwa wakitumiana vimeseji vya kutakiana heri na Baraka za mwaka mpya wakiasana hili na lile ili mradi kuukaribisha mwaka mpya”alisema Dk. Kandus.

Alisema Taasisi hiyo imeamua kutoa ujumbe huo, kwa kuwakumbusha kuwa gonjwa saratani kwa sasa ni gonjwa tishio kwa maisha ya watu wengi duniani, katika nchi zinazoendelea hususani Afrika katika nchi zilizoko chini ya jangwa la Sahara, Tanzania ikiwa miongoni mwa hizo huku ikiwa na hali mbaya sana.

Dk. Kandusi alisema takwimu duniani zinaonyesha kuwa mwaka 2010 malaria iliua watu 500,000, kifua kikuu milioni 2.1, ukimwi million 1.8 na saratani million 9.9.

Alibainisha kuwa asilimia 75 ya vifo vya watu hao milioni 9.9, ambapo milioni 7.4 walifariki toka nchi zinzoendelea.

Dk Kandusi alisema inatarajiwa kuwa ifikapo mwaka 2020 malaria itaua watu milioni 2.5, kifua kikuu milioni 2.2, ukimwi milioni 1.5 na saratani milioni 12.2.

Alisema asilimia 75 ya hao milioni 12.2 ambapo milioni 9.15 watafariki toka nchi zinazoendelea.

Dk Kandusi alitoa wito kwa wananchi kuwa wakati tunapoingia mwaka 2013 kuliangalia gonjwa la saratani kwa ukaribu na umakini.

Naye Prof. Twalibu ngoma, Mkurugenzi Mtendaji wa ‘Ocean Road Cancer Institute’, katika mahojiano yake hivi karibuni na kituo kimoja cha Televisheni, alinukuliwa akisema kuwa watu 100 wanakufa kila siku nchini kutokana na ugonjwa huo wa saratani.

Itakumbukwa aliyekuwa Waziri wa Afya, Prof. David Homeli Mwakyusa alinukuliwa akisema watu wengi huugua ugonjwa huo lakini ni asilimia 10 ya wagonjwa saratani ndio wanaofika hospitali kwa tiba ya saratani ambapo asilimia 90 huugua na kupoteza maisha yao bila kufika hospitalini.

on Tuesday, January 1, 2013