SPIDER MAN ANYAKUWA KIATU CHA DHAHABU KAGAME CUP



Bahanuzi 'Spider Man' mfungaji bora Kagame



SAID Bahanuzi, mshambuliaji mpya wa Yanga, kutoka Mtibwa Sugar ya Morogoro, ndiye mfungaji bora wa Klabu Bingwa Afrika Mashariki na Kati, Kombe la Kagame baada ya kuwapiku John Raphael Bocco ‘Adebayor’ wa Azam FC, Hamisi Kiiza ‘Diego’ wa Yanga pia na Taddy Etikiama na AS Vita ya DRC.

Bahanuzi amemaliza na mabao sita sawa na Taddy, lakini kwa kuwa mshambuliaji wa Vita bao lake moja ni la penalti, alilofunga kwenye mechi ya Kundi A na Simba katika sare ya 1-1, kiatu cha Dhahabu amepewa Side Ba.

Hamisi Kiiza alipewa kimakosa bao moja awali, ambalo lilikuwa la beki wa Yanga, Stefano Mwasyika na sasa amemaliza na mabao matano sawa na Adebayor wa Chamazi.

Suleiman Ndikumana wa APR amemaliza na mabao matatu, Abdallah Juma ‘Dullah Mabao’ wa Simba SC amemaliza na mabao mawili sawa na Leonel St Preus wa APR, Didier Kavumbagu wa Atletico, Feni Ali na Robert Ssentongo wa URA.

WAFUNGAJI BORA KAGAME 2012:

Said Bahanuzi Yanga SC 6

Taddy Etikiama AS Vita 6-1

Hamisi Kiiza Yanga SC 5

John Bocco Azam FC 5

Suleiman Ndikumana APR 3

Abdallah Juma Simba SC 2

Leonel St Preus APR 2

Didier Kavumbagu Atletico 2

Feni Ali URA 2

Robert Ssentongo URA 2

on Saturday, July 28, 2012