Waalimu wa Ifunda watoa kali ya Mwaka

Kaimu afisa elimu mkoa wa Iringa Euzebio Mtavangu akiwasikiliza wanafuni wa shule ya sekondari Lyandembela Ifunda

WALIMU wa shule ya Msingi Hoho katika Manispaa ya Iringa waingia katika kashfa nzito baada ya kutuhumiwa kuwachalaza bakora wazazi wa wanafunzi wanaofika shuleni hapo kuhoji michango mbali Mbali .

Wakitoa malalamiko hayo mbele ya wanahabari waliofika shuleni hapo kufuatilia Madai ya walimu hao kuendelea kuwachangisha wanafunzi michango isiyo na risti .

Wazazi hao walisema kuwa uongozi wa shule hiyo umekuwa na tabia ya kuwachangisha wanafunzi michango mbali mbali ikiwemo michango kwa ajili ya mitihani ya kujipima kwa wanafunzi wa darasa la nne na Saba .

Alisema Zubeda Sanga kuwa pamoja na wazazi kuitikia wito huo wa kuwepo kwa mitihani ya kujima kwa watoto wao ila bado uongozi wa shule hiyo umekuwa ukichakachua michango hiyo na kushindwa kufanya kazi iliyokusudiwa .

Kwani alisema kuwa mbali ya uongozi wa shule hiyo kuwaagiza wazazi kutoa michango hiyo ya shilingi 2000 kwa ajili ya kuchaposha mitihani hiyo ila fedha hizo zimekuwa hazitumiki kwa kasi iliyokusudiwa badala yake zimekuwa zikitumika kuwanufaisha walimu hao.

Alisema mitihani ambayo wanafunzi wamekuwa wakiifanya ni ile ambayo ilifanywa na wanafunzi wa mwaka 2008 mitihani ambayo baadhi imechakaa kupita kiasi na mingine imekuwa na panya na kunyeshewa na mvua.

Huku kwa upande mmoja Kati ya wazazi ambaye alipata kuadhibiwa kwa fimbo shuleni hapo kwa Madai ya kuhoji uhalali wa michango hiyo Bw.Deus Kyando alisema kuwa sababu ya kupigwa kwake na uongozi wa shule hiyo ni baada ya kufika shuleni hapo na kuhoji michango hiyo.

Alisema kuwa baada ya kufika ofisi ya mkuu wa shule hiyo na kueleza sababu ya ujio wake shuleni japo ndipo mkuu huyo wa shule alipofunga mlango na kuwaita walimu wenzake na kuanza kumdhughulikia kwa bakora.

Hata hivyo alisema kuwa katakana na tukio hilo alilazimika kumjulisha ndugu yake wa karibu kwa njia ya simu ila baada ya kufika naye aliidhia kupokea kichapo kutoka kwa walimu hao.

Mzazi huyo alisema kuwa kutokana na ubabe wa walimu hao hivi sasa hata akiitwa shuleni hapo kwa ajili ya kupewa taarifa ya mtoto wake amekuwa akiogopa kwa kuhofia kichapo kutoka kwa walimu wa shule hiyo.

"Kiukweli sitakuja Kwenda tena shuleni hata nikaambiwa kuna jambo la maendeleo kwa sababu hata nikifika shuleni ni nimekuwa nikiambulia kichapo...sasa niende kufanya nini....afya yangu ni mbovu sana.....sasa Kwenda shuleni kupigwa fimbo ni kutafuta mauti"

Aidha alisema kuwa suala la michango katika shule hiyo limeendelea kuwa kero kubwa kwa wazazi na hivyo kuomba serikali kurejesha ada kuliko kuendelea kutoa michango hiyo isiyo na utaratibu maalumu.

Mkuu wa shule hiyo hakuweza kupatikana ili kuthibitisha Madai hayo ya wazazi wa wanafunzi wanaosoma katika shule hiyo.

chanzo: Francis Godwin Blog

on Monday, July 2, 2012