REHEMA FRIENDSHIP&SOLIDARITY YAKABIDHI KISIMA CHA MAJI SAFI NA SALAMA

 

TAASISI ya ‘Rehema Friendship and Solidarity’ , imekabidhi kisima cha

maji safi na salama kwa wakazi wa Tegeta Dar es Salaam, kilichojengwa

kwa gharama sh milioni 7.3.

Kauli hiyo ilitolewa jijini jana, na Mwenyekiti Mtendaji wa taasisi hiyo,

Abdi Adam Mohamed wakati akikabidhi kisima hicho ambapo alisema

taasisi hiyo, kusaidia jamii ya katika huduma mbalimbali muhimu.

Mohamed alisema kuwa wamekuwa wakitoa misaada kwa jamii ikiwemo

ya elimu , afya na huduma za maji safi na salama kwa kuchimba visima

na kukabidhi wa wananchi bur bila malipo lakini wanafanya hivyo

baada ya kupokea maombi ya eneo husika.

Alisema kisima hicho ambacho wamekabidhi kwa wananchi wa Mtaa

wa Pwani na maeneo jirani kinatarajia kusaidia zaidi ya watu 30,000

"Hadi sasa tumechimba na kukabidhi visima zaidi ya 56 katika maeneo

mbalimbali nchini.Lengo letu ni kuona Watanzania wananuifa na

uwepo wa taasisi yetu ya Rehema ambayo ipo kwa ajili yao.

Tutaendelea kusaidia jamii kadri tunavyoweza na katika maeneo

mengi zaidi.Tunafanya hivyo pia katika kusaidia kwenye elimu na afya

,"alisema Mohamed.

Hata hivyo alisema licha ya kusaidia jamii katika upatikanaji wa

maji bado hawajawahi kupata msamaha wa asilimia 10 ya kodi

kutokana na kazi hiyo na kwamba kutokana na kuona umuhimu wa

maji wamekuwa wakichimba visima bila ya kupewa msamaha na Serikali.

Naye Katibu Tawala Wilaya ya Kinondoni Dar es Salaam, Bernard

Marcelline, wakati akikabidhi kisima hicho alisema kuwa dhamira

ya Serikali ni kuona wananchi wanapata maji safi na salama.

Alisema itakuwa jambo jema kuona kinatunzwa na kutoa maji kwa

miaka mingi ijayo na hiyo itatokana na wananchi wenyewe kuhakikisha

wanakitunza na kukilinda.

Hata hivyo, alisema hatarajii kusikia kuna mgogoro kutokana na

kuliwa fedha hizo na kutumia nafasi hiyo kuwaasa kuwa waaminifu

na fedha ambazo zitakuwa zinapatikana.

on Friday, November 16, 2012