UJENZI WA BANDARI MPYA BAGAMOYO WAZINDULIWA

TANZANIA imeingia makubaliano na Kampuni ya Ujenzi ya

(Merchants Holding Company), ya nchini China kwa ajili ya

ujenzi wa Bandari Mpya ya Bagamoyo mkoani Pwani.

Akizungumza na wandishi wa habari jijini Dar es Salaam,
Waziri wa

Nchi, Ofisi ya Waziri Mkuu Uwekezaji na Uwezeshaji,Dk Mary
Nagu, alisema makubaliano ya awali yalifanyika
Septemba 5 mwaka huu.

Alisema ujenzi huo unaenda sambamba na uendelezaji wa
miradi mingine inayoambatana na ujenzi wa bandari hiyo
kwenye Eneo Maalumu

la kiuchumi la Bagamoyo (SEZ),

“Leo tunashuhudia uzinduzi rasmi wa kikosi kazi cha pamoja

kati ya serikali ya Tanzania na Kampuni ya China Merchants

Holding Company kitakachosimamia utekelezaji wa mradi huu”

alisema Dk Nagu.

Katika hilo, alieleza kuwa kikosi hicho kitasimamia miradi yote

itakayojumuisha ujenzi wa barabara itakayounganisha bandari

hiyo, mtandao wa barabara nyingine, pamoja na ujenzi wa Reli

itakayounganisha bandari hiyo na Reli ya kati na Tazara.

Aidha, alibainisha miradi hiyo itatekelezwa kwenye maeneo

maalumu na itatumika kama chachu ya maendeleo ya Taifa,

ikizingatiwa kwamba bandari hiyo itasaidia kupunguza msongamano

wa mizigo kwenye Bandari ya Dar es Salaam.

Akifafanua zaidi, Dk Nagu alisema jukumu hilo, linatokana na

Kaulimbiu ya Mkutano wa tano wa Mawaziri wa Nchi 50 za Kiafrika.

“Jukwaa hilo linaitwa ushirikiano wa nchi za Afrika na China

(FOCAC), ambao ndiyo chimbuko la mradi huu”alisema Dk Nagu.

Aliongeza kuwa mradi mpya utakuza kwa kiasi kikubwa ushindani

wa Tanzania Kikanda na Kimataifa kwa kuzingatia kwamba

utaongeza uwezo wa kuhudumia shehena za mizigo zinazoingia

na kwenda nchi ya Uganda, Rwanda, Burundi, Zambia, Congo

(DRC), na Malawi.

Alitabanaisha kuwa mbali na maendeleo bado miradi hiyo

itaongeza mapato yatokanayo na biashara ya kimataifa,

kuongeza fursa za ajira jambo ambalo litachangia kiasi

kikubwa kuongeza kasi ya kukua kwa uchumi wa nchi.

on Friday, November 16, 2012