Vyama vitatu vya Upinzani vinavyounda Umoja wa vyama vya Upinzani nchini vilivyopanga kufanya maandamano ya amani kupinga baadhi ya vipengele vilivypopo kwenye rasimu ya katiba vimeridhia kuahirisha maandamano hayo yaliyokuwa yafanyike Septemba 21 mwaka huu.
Vyama hivyo ambavyo ni CUF,CHADEMA,na NCCR MAGEUZI kwa pamoja vimekubaliana na uongozi wa juu wa jeshi la Polisi nchini kusitisha maandamano hayo ili kuepusha shari za Kiusalama ambazo zingeweza kutokea kutokana na taarifa za kiintelijensia zilizobainishwa na jeshi la Polisi.
Mkuu wa Jeshi la Polisi nchini IGP SAID MWEMA amesema jeshi hilo limeridhia vyama hivyo kufanya Mkutano wa hadhara Septemba 21 mwaka huu jijini Dar es Saaam na kwamba dhamana ya ulinzi wa Mkutano huo itakuwa chini ya Jeshi hilo.
Post a Comment