RAIS KIKWETE KUONGOZA HARAMBEE

 

RAIS Jakaya Kikwete, anatarajiwa kuwa mgeni rasmi katika harambee ya chakula cha jioni kuchangisha fedha kwa ajili ya kuwasaidia wakunga kwenda kusoma ili kupunguza vifo vya mama na mtoto, Oktoba 11, mwaka huu.

 

Kwa mujibu Meneja wa shughuli hiyo wa Kampuni ya Montage Ltd, Michael Philipo alibainisha kuwa  maandalizi ya harambee hiyo yameshakamilika na tayari tiketi zimeanza kuuzwa  sehemu mbalimbali nchini.

 

Philipo alisema Rais Kikwete atakuwa mgeni rasmi hasa kutokana na juhudi zake za kupambana na vifo vya akina mama watoto nchini, katika  harambee hiyo itakayofanyika hoteli ya Serena ya jijini Dar es Salaam.

 

“Kampuni ya Montage kwa kushirikiana  Taasisi ya Utafiti wa Dawa Afrika (AMREF),  kwa pamoja na wadau wengine tutashirikiana kwa pamoja ilikuokoa wanawake na watoto hasa sehemu mbalimbali za nchi yetu” alisema Philipo.

 

Na kuongeza kuwa, wanatarajia kupata watu 450  kwenye harambee hiyo  ambapo tiketi hiyo moja inapatikana kwa dola 150 na tiketi ya meza moja yenye viti 10, ikipatikana kwa dola 1500.

 

Aidha, alitoa rai kwa kila mtanzania kujitokeza kuchangia kwani fedha hizo zitawasaidia kusomesha wakunga hao wa jadi ambao wataisaidia jamii nzima nchini kote

on Sunday, September 22, 2013