RAIS KIKWETE KUZINDUA RASMI MKOA WA NJOMBE LEO

NJOMBE, Tanzania

Rais wa Jamhuri ya Muungano wa Tanzania, Mheshimiwa Jakaya Mrisho Kikwete amewasili mjini Njombe kuanza ziara ya wiki moja.

Katika ziara hiyo Rais Kikwete atakagua na kuzindua miradi mbalimbali ya maendeleo katika mkoa mpya wa  Njombe.

Miongoni mwa shughuli kubwa ambazo Rais Kikwete atazifanya katika ziara yake hiyo ya kwanza tangu kutangazwa Njombe kuwa mkoa ni pamoja kuzindua rasmi mkoa hu.

 

Katika siku yake ya kwanza, Oktoba 18, 2013, mbali na kuzindua Mkoa wa Njombe pia atazindua Kiwanda cha Chai katika eneo la Ikanga na kuzungumza na wananchi.

Katika ziara hiyo ambako Rais Kikwete atatembelea wilaya zote za mkoa huo ambazo ni Njombe, Wanging’ombe, Ludewa na Makete, pia atazindua Chuo cha Veta cha Mkoa.

Aidha, Rais atatembelea na kupata taarifa kuhusu maendeleo ya mradi wa chuma wa Liganga.

on Friday, October 18, 2013