TAARIFA YA JESHI LA POLISI MKOA WA MBEYA KWA VYOMBO VYA HABARI

 

WATU 37 WAKAMATWA NA JESHI LA POLISI MKOANI MBEYA KWA KOSA LA KUNYWA POMBE KABLA YA MUDA.

JESHI LA POLISI MKOANI MBEYA LINAWASHIKILIA WATU 37 KWA KOSA LA KUNYWA POMBE KABLA YA MUDA. WATUHUMIWA HAO WALIKAMATWA KATIKA MATUKIO MATATU TOFAUTI KATIKA JIJI NA MKOA WA MBEYA MNAMO TAREHE 22.01.2014. KATIKA TUKIO LA KWANZA SOPHIA BOLINGO (27) MKAZI WA SINDE ALIKAMATWA NA ASKARI POLISI AKIWA NA WENZAKE 06 KATIKA KILABU CHA POMBE KIITWACHO NGOMA NZITO, KATA YA SINDE, TARAFA YA SISIMBA WAKIWA WANAKUNYWA POMBE MAENEO HAYO KABLA YA MUDA. KATIKA TUKIO LA PILI DENIS BUJA (19) MKAZI WA KABWE JIJINI MBEYA ALIKAMATWA NA ASKARI POLISI AKIWA NA WENZAKE 07 WAKIWA WANAKUNYWA POMBE KATIKA KILABU KIITWACHO MNYONGE MAENEO HAYO. KADHALIKA KATIKA TUKIO LA TATU FRANK ASUKILE (24) MKAZI WA SIMAMBWE KATA NA TARAFA YA TEMBELA, WILAYA YA MBEYA VIJIJINI PIA ALIKAMATWA AKIWA NA WENZAKE 21 WAKIWA WANAKUNYWA POMBE MAENEO HAYO KABLA YA MUDA. WATUHUMIWA WOTE WAMEFIKISHWA MAHAKAMANI KWA HATUA ZAIDI ZA KISHERIA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA TABIA YA KUNYWA POMBE KATIKA MAENEO TOFAUTI KABLA YA MUDA ULIOWEKWA KISHERIA KWANI KUFANYA HIVYO NI KINYUME CHA SHERIA NA JESHI LA POLISI KAMWE HALITAFUMBIA MACHO VITENDO KAMA HIVYO VILIENDELEE KUTOKEA. AIDHA ANATOA WITO KWA JAMII KUTUMIA MUDA HUO KUFANYA SHUGHULIA MBALIMBALI ZA KIMAENDELEO.

[AHMED Z. MSANGI – SACP]

KAMANDA WA POLISI MKOA WA MBEYA.

on Thursday, January 23, 2014