WATATU WAFARIKI DUNIA IRINGA AKIWEMO MTOTO KUFA MAJI KISIMANI

 

RPC Mungi

............................................................................

 

NA DIANA BISANGAO WA MATUKIO DAIMA.COM, IRINGA

Watu watatu wamefariki dunia katikamatukio matatu tofauti likiwemo la motto Iddy Mwimbage (5) mkazi wa Idodi kata ya Mlowa wilaya ya Iringa vijijini kutumbukia ndani ya kisima.

 

Akizungumza na mtandao wa www.matukiodaima.com ofisini kwake Kamanda wa polisi mkoa wa Iringa Ramadhani Mungi alithibitisha kutokea kwa tukio hilo.

 

Kamanda Mungi alisema kuwa tukio hilo lilitokea mnamo tarehe 16 januari mwaka huu majira ya saa 4 kamili asubuhi ambapo motto huyo alikuwa anacheza na wenzake pembezoni mwa kisima hicho.

 

Wakati huohuo mwanafunzi wa chuo cha ufundi cha Donbosco Vivian Kanuwa (19) mkazi wa Kihesa kata ya Kihesa mkoani Iringa alikutwa amejinyonga chumbani kwake kwa kutumia kamba ya katani.

 

Kamanda Mungi alisema tukio hilo lilitokea mnamo tarehe 16 januari mwaka huu majira ya saa 1:15 usiku ambapo marehemu alijinyonga baada ya kuchoshwa na manyanyaso ya mama yake.

 

Aidha Kamanda Mungi alisema mbali na matukio hayo mawili, mtoto Debora Tagalile(9) ambaye ni mwanafunzi wa shule ya msingi Tagalile kata ya Ugwachanya wilaya ya Iringa vijijini alifariki dunia baada ya kugongwa na gari majira ya saa 10 kamili jioni.

 

Kamanda Mungi alilitaja gari hilo aina ya mitsubish canter lenye namba za usajili T 707 AJU, mali ya Masud Kilagwa mkazi wa Iringa lililokuwa likiendeshwa na Herbert Vitus (44) mkazi wa kijiji cha Ikonongo, chanzo kikiwa ni mwendo kasi.

on Friday, January 17, 2014