TAARIFA YA JESHI LA POLISI MKOA WA MBEYA KWA VYOMBO VYA HABARI

 

 

“PRESS RELEASE” TAREHE 18.03.2014 

• MTU MMOJA AUAWA KWA KUPIGWA NA KITU KIZITO KICHWANI NA WATU WASIOFAHAMIKA.

• MAHABUSU MMOJA AFARIKI DUNIA BAADA YA KUJARIBU KUJINYONGA KWA KUTUMIA SHATI LAKE.

• MTU MMOJA AFARIKI DUNIA BAADA YA GARI WALILOKUWA WAKISAFIRIA KUACHA NJIA NA KUPINDUKA.

• GARI AINA YA NOAH [IT] YAIBWA HUKO WILAYANI MOMBA – TUNDUMA.

• JESHI LA POLISI MKOA WA MBEYA LINAMSHIKILIA MFANYABIASHARA MMOJA AKIWA ANAMILIKIA SILAHA KINYUME CHA SHERIA.

• JESHI LA POLISI MKOA WA MBEYA LINAMSHIKILIA MTU MMOJA MKAZI WA KYELA AKIWA NA POMBE KALI ZILIZOPIGWA MARUFUKU NA SERIKALI.

MTU MMOJA AUAWA KWA KUPIGWA NA KITU KIZITO KICHWANI NA WATU WASIOFAHAMIKA.

MNAZI ALIKUTWA AMEUAWA KWA KUPIGWA NA KITU KIZITO KICHWANI NA MTU/WATU WASIOFAHAMIKA KISHA MWILI WAKE KUTUPWA KATIKA MTO RUAHA. TUKIO HILO LIMETOKEA MNAMO TAREHE 16.03.2014 MAJIRA YA SAA 18:00 JIONI KATIKA KITONGOJI CHA IGUNULA, KIJIJI CHA MNAZI, TARAFA YA RUJEWA WILAYA YA MBARALI. CHANZO CHA MAUAJI HAYO NI TUHUMA ZA UCHAWI. MTU MMOJA ALIYEFAHAMIKA KWA JINA LA INNOCENT NKWANDA (24) MKAZI WA WILAYA YA MBOZI AMEKAMATWA KUHUSIANA NA TUKIO HILO. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUJICHUKULIA SHERIA MKONONI KWANI NI KINYUME CHA SHERIA. AIDHA ANATOA WITO KWA JAMII KUTOA TAARIFA ZA MTU/WATU WALIOHUSIKA NA TUKIO HILI ILI WAKAMATWE NA HATUA ZA KISHERIA ZICHUKULIWE DHIDI YAO.

MAHABUSU MMOJA AFARIKI DUNIA BAADA YA KUJARIBU KUJINYONGA KWA KUTUMIA SHATI LAKE.

MAHABUSU MMOJA  AITWAYE NASSON PAULO [70] MKAZI WA RUIWA WILAYANI MBARALI MKOANI MBEYA  ALIFARIKI DUNIA MUDA MFUPI BAADA YA KUFIKISHWA KATIKA HOSPITALI YA RUFAA MBEYA KWA MATIBABU BAADA YA KUJINYONGA AKIWA  MAHABUSU KATIKA KITUO CHA POLISI KATI MBEYA MNAMO TAREHE 17/03/2014 MAJIRA YA SAA 04:50 ALFAJIRI KUTOKANA NA TUHUMA ZA MAUAJI.

MAREHEMU HUYO ALIKAMATWA KUTOKANA NA TUHUMA ZA MAUAJI INAYODAIWA KUYAFANYA TAREHE 12.02.2014 KWA KUMUUA KWA KUMPIGA NYUNDO KICHWANI DONALD JOSEPH@ YUSUPH  ALIYEDAIWA KUMUIBIA NG’OMBE WAKE NA KISHA KUFICHA MABAKI YA MWILI WAKE KUSIKOJULIKANA.

MAREHEMU NASSON PAULO ALIKAMATWA BAADA YA KUPATIKANA KWA USHAHIDI TOKA KWA WATU WALIOSHUHUDIA TUKIO HILO LA MAUAJI NA ALIPOHOJIWA ALIAHIDI KWA WAPELELEZI KUWA SIKU INAYOFUATA YAANI TAREHE 17.03.2014 ATAKWENDA KUONYESHA ENEO ALIPOPELEKA MWILI HUO. MTUHUMIWA ALIRUDISHWA MAHABUSU.

MNAMO MAJIRA YA SAA 04.50 ALFAJIRI WAKATI MTUHUMIWA AKIWA  MAHABUSU CHUMBA CHA PEKEE YAKE KUTOKANA NA UMRI WAKE NDIPO ALIFANYA JARIBIO LA KUJINYONGA KWA KTUMIA SHATI YAKE. HATA HIVYO ASKARI  WA ZAMU WALIFIKA NA KUMKUTA CHINI AKIPUMUA KWA SHIDA HALI ILIYOWAFANYA WAMKIMBIZE HOSPITALI YA RUFAA KWA MATIBABU YA HARAKA LAKINI HAKUWEZA KUCHUKUA MUDA MREFU NA HATIMAYE ALIFARIKI DUNIA.

MWILI WA MAREHEMU UMEHIFADHIWA HOSPITALI YA RUFAA KWA UCHUNGUZI ZAIDI.

MTU MMOJA AFARIKI DUNIA BAADA YA GARI WALILOKUWA WAKISAFIRIA KUACHA NJIA NA KUPINDUKA.

MTU MMOJA ALIYEFAHAMIKA KWA JINA LA DANIEL MWASUNDA (39) MFANYABIASHARA, MKAZI WA MBEYA AMEFARIKI DUNIA BAADA YA GARI WALILOKUWA WAKISAFIRIA KUACHA NJIA NA KUPINDUKA. AJALI HIYO ILITOKEA MNAMO TAREHE 17.03.2014 MAJIRA YA SAA 15:00 ALASIRI KATIKA KIJIJI CHA ISALALO, KATA NA TARAFA YA  IGAMBA, WILAYA YA  MBOZI BARABARA YA  MLOWO/MSANGANO BAADA YA GARI LENYE NAMBA ZA USAJILI  T.634 CTN AINA YA MITSUBISHI FUSO TIPPER LILILOKUWA LIKIENDESHWA NA DEREVA ASIYEFAHAMIKA JINA WALA MAKAZI YAKE KUACHA NJIA NA KUPINDUKA. CHANZO CHA AJALI KINACHUNGUZWA. DEREVA ALIKIMBIA NA KUTELEKEZA GARI ENEO LA TUKIO. JUHUDI ZA KUMTAFUTA ZINAENDELEA. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO KWA KUZINGATIA NA KUFUATA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA WA TUKIO HILI AZITOE KATIKA MAMLAKA HUSIKA ILI AKAMATWE NA SHERIA ICHUKUE MKONDO WAKE, VINGINEVYO AJISALIMISHE MWENYEWE.

GARI AINA YA NOAH [IT] YAIBWA HUKO WILAYANI MOMBA – TUNDUMA.

GARI LENYE NAMBA IT 1163 AINA YA TOYOTA NOAH RANGI NYEUPE ILIYOKUWA IKISAFIRISHWA NA KAMPUNI YA TRIPPLE D KWENDA NCHINI ZAMBIA AMEIBWA USIKU WA KUAMKIA LEO MAJIRA YA SAA 01:00 HUKO KATIKA MTAA WA SOGEA – TUNDUMA, KATA NA TARAFA YA TUNDUMA, WILAYA YA MOMBA. GARI HIYO ILIIBWA WAKATI IKIWA IMEEGESHWA KATIKA BAR IITWAYO MSASANI  BAADA YA WATU HAO KUMVAMIA MTU ALIYEFAHAMIKA KWA JINA BENSON SIMUMBA (56) MLINZI KAMPUNI YA PANIC SYSTEM GROUP NA KISHA KUMFUNGA KAMBA NA KUIBA GARI HILO. AIDHA WATU HAO WALIMJERUHI KWA KUMKATA MAPANGA KWENYE PAJI LA USO NA KISOGONI HAMIS MLONDWE YANDA (31) MKUSANYA USHURU WA ENEO HILO, MKAZI WA MTAA WA MWAKA -TUNDUMA. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MAHALI WALIPO WATUHUMIWA WA TUKIO HILI AZITOE KATIKA MAMLAKA HUSIKA ILI WAKAMATWE NA SHERIA ICHUKUE MKONDO WAKE.

JESHI LA POLISI MKOA WA MBEYA LINAMSHIKILIA MFANYABIASHARA MMOJA AKIWA ANAMILIKIA SILAHA KINYUME CHA SHERIA.

JESHI LA POLISI MKOA WA MBEYA LINAMSHIKILIA MFANYABIASHARA MMOJA AITWAYE MAULID JULIUS MWANGILA (43) MKAZI WA MTAA  WA  MWAKA-UWANJANI TUNDUMA AKIWA ANAMILIKI BILA KIBALI SILAHA MOJA AINA YA BASTOLA ILIYOTENGENEZWA KIENYEJI INAYOTUMIA RISASI ZA S/GUN. MTUHUMIWA ALIKAMATWA TAREHE 17.03.2014 MAJIRA YA SAA 02:00 USIKU KATIKA MTAA WA MWAKA- UWANJANI – TUNDUMA, KATA NA TARAFA YA TUNDUMA, WILAYA YA MOMBA KATIKA MSAKO ULIOFANYWA NA JESHI LA POLISI. UPELELEZI UNAENDELEA NA UTAKAPO KAMILIKA NA KUTHIBITIKA ATAFIKISHWA MAHAKAMANI. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUMILIKI SILAHA KINYUME CHA SHERIA NA BADALA YAKE WAFUATE TARATIBU ZA KISHERIA ZA KUMILIKI SILAHA, VINGINEVYO WASALIMISHE WENYEWE SILAHA HIZO.

JESHI LA POLISI MKOA WA MBEYA LINAMSHIKILIA MTU MMOJA MKAZI WA KYELA AKIWA NA POMBE KALI ZILIZOPIGWA MARUFUKU NA SERIKALI.

MTU MMOJA AITWAYE BARAKA ADAM (27) MKAZI WA KYELA KATI ANASHIKILIWA NA JESHI LA POLISI MKOA WA MBEYA AKIWA NA POMBE KALI ZILIZOPIGWA MARUFUKU NA SERIKALI AINA YA  BWANA GIN KATONI 27 KUTOKA NCHINI MALAWI. MTUHUMIWA ALIKAMATWA MNAMO TAREHE 17.03.2014 MAJIRA YA SAA 15:30 ALASIRI KATIKA MTAA WA KYELA MJINI, KATA YA KYELA –KATI, TARAFA YA UNYAKYUSA, WILAYA YA KYELA KATIKA MSAKO ULIOFANYWA NA JESHI LA POLISI. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUJIHUSISHA NA UUZAJI/USAMBAZAJI WA BIDHAA ZILIZOPIGWA MARUFUKU NA SERIKALI KWANI NI KINYUME CHA SHERIA NA KAMWE JESHI LA POLISI HALITASITA KUMKAMATA NA KAMCHUKULIA HATUA ZA KISHERIA MTU YEYOTE ATAKAYE BAINIKA KUJIHUSISHA NA BIASHARA HIYO.

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.

on Wednesday, March 19, 2014