TAARIFA YA JESHI LA POLISI MKOA WA MBEYA KWA VYOMBO VYA HABARI

 

“PRESS RELEASE” TAREHE 22.03.2014 

MTOTO MWENYE UMRI WA MIAKA MINNE AFARIKI DUNIA AKIWA ANAOGELEA KATIKA MTO NZOVWE.

MTOTO ALIYEFAHAMIKA KWA JINA LA ALBERT LAZARO MWENYE UMRI WA MIAKA MINNE, MKAZI WA ISONDA ITENDE AMEFARIKI DUNIA BAADA YA KUFA MAJI NA MWILI WAKE UMEKUTWA UKIELEA KATIKA MTO NZOVWE ULIO JIRANI NA NYUMBA YAO.

TUKIO HILO LIMETOKEA TAREHE 21.03.2014 MAJIRA YA SAA 10:00 ASUBUHI HUKO MBALIZI, TARAFA YA USONGWE MBEYA VIJIJINI. MWILI WA MAREHEMU UMEHIFADHIWA KATIKA HOSPITALI YA RUFAA MBEYA. UCHUNGUZI NA UPELELEZI WA TUKIO HILO UNAENDELEA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA WAZAZI/WALEZI NA JAMII KWA UJUMLA KUWA MAKINI NA WATOTO WAO IKIWA NI PAMOJA NA KUWAKATAZA KWENDA KUOGELEA AU KUCHEZA KARIBU NA MITO/MABWAWA/MADIBWI YALIYOKO KARIBU NA MAENEO YAO KWANI NI HATARI HASA KATIKA KIPINDI HIKI CHA MVUA ZINAZOENDELEA KUNYESHA. AIDHA ANATOA WITO KWA JAMII KUFUKIA/KUFUNIKA VISIMA NA MADIBWI YALIYOKO KATIKA MAENEO YAO KWANI NI HATARI KWA WATOTO.

NYUMBA YENYE VYUMBA VIWILI YATEKETEA KWA MOTO JIJI MBEYA.

NYUMBA MOJA YENYE VYUMBA VIWILI MALI YA FRANCIS SAMSON (31) MKAZI WA INYALA JIJI MBEYA YATEKETEA KWA MOTO PAMOJA NA MALI ZOTE ZILIZOKUA NDANI YA NYUMBA HIYO.

TUKIO HILO LA MOTO LIMETOKEA MNAMO TAREHE 20.03.2014 MAJIRA YA SAA 12:45 MCHANA HUKO MTAA WA INYALA, KATA NA TARAFA YA IYUNGA, JIJI NA MKOA WA MBEYA.

KATIKA TUKIO HILO MALI ZOTE ZILIZOKUWEMO NDANI YA NYUMBA HIYO ZILITEKETEA KWA MOTO IKIWA NI PAMOJA NA GODORO, KITANDA NA VYOMBO MBALIMBALI AMBAVYO THAMANI YAKE BADO HAIJAFAHAMIKA.

CHANZO CHA MOTO HUO BADO HAKIJAFAHAMIKA. HAKUNA MADHARA YA KIBINADAMU YALIYORIPOTIWA KUTOKEA. MOTO ULIZIMWA KWA JITIHADA ZA WANANCHI, KIKOSI CHA ZIMA MOTO NA UOKOAJI PAMOJA NA JESHI LA POLISI. UCHUNGUZI ZAIDI WA TUKIO HILO UNAENDELEA. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO JAMII KUCHUKUA TAHADHARI NA MATUKIO YATOKANAYO NA MOTO. 

JESHI LA POLISI MKOA WA MBEYA LINAWASHIKILIA WATU WAWILI KATIKA MATUKIO MAWILI TOFAUTI:

KATIKA MSAKO ULIOFANYIKA HUKO KATIKA KIJIJI CHA NDANDALO, KATA YA  KYELA-KATI, TARAFA YA  UNYAKYUSA, WILAYA YA  KYELA  TAREHE 21.03.2014 MAJIRA YA SAA 11:00 ASUBUHI MTU MMOJA ALIYEFAHAMIKA KWA JINA LA SADICK  JULIUS  (29) MKAZI WA KIJIJI CHA NDANDALO ALIKAMATWA AKIWA NA POMBE KALI [VIROBA] ILIYOPIGWA MARUFUKU NA SERIKALI AINA YA  RIDDER KATONI MOJA [01].

MTUHUMIWA NI MUUZAJI WA POMBE HIZO, TARATIBU ZA KISHERIA ZINAENDELEA NA MARA ZITAKAPO KAMILIKA ATAFIKISHWA MAHAKAMANI.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA WAFANYABIASHARA KUACHA MARA MOJA KUJIHUSISHA NA BIASHARA YA UUZAJI NA USAMBAZAJI WA BIDHAA ZILIZOPIGWA MARUFUKU NA SERIKALI KWANI NI KINYUME CHA SHERIA PIA NI HATARI KWA AFYA YA MTUMIAJI.

KATIKA MSAKO MWINGINE ULIOFANYIKA HUKO KATIKA KIJIJI NA KATA YA  MAFYEKO,TARAFA YA  KIPEMBAWE, WILAYA YA  CHUNYA TAREHE 20.03.2014 MAJIRA YA SAA 10:30 ASUBUHI MTU MMOJA ALIYEFAHAMIKA KWA JINA LA SAULO  ZEPHANIA (48)  MKAZI WA KIJIJI CHA MAFYEKO ALIKAMATWA AKIWA AMELIMA/AMEPANDA ZAO HARAMU LA BHANGI MICHE 12 YENYE UREFU FUTI 2.5 KWENYE SHAMBA LAKE LA MAHINDI.

MTUHUMIWA NI MKULIMA WA ZAO HILO HARAMU, TARATIBU ZA KISHERIA ZINAENDELEA NA MARA ZITAKAPO KAMILIKA ATAFIKISHWA MAHAKAMANI.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA MARA MOJA KULIMA ZAO HARAMU LA BHANGI WALA KUUZA/KUSAMBAZA KWANI NI KINYUME CHA SHERIA NA NI HATARI KWA AFYA YA MTUMIAJI. AIDHA ANATOA WITO KWA WANANCHI KUTOA TAARIFA KWA JESHI LA POLISI ZA MTU/WATU WANAOJIHUSISHA NA ULIMAJI/UUZAJI NA USAMBAZAJI WA BHANGI ILI WAKAMATWE NA HATUA ZA KISHERIA ZICHUKULIWE DHIDI YAO.

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.

on Saturday, March 22, 2014