Wajumbe Bunge Maalum la Katiba Waunga mkono Azimio la Kutunga na Kupitisha kanuni za Bunge Maalum la katiba

 

Mjumbe wa Bunge Maalum la Katiba na Mwenyekiti wa Kamati ya Uundaji wa Kanuni zitazotumika katika bunge Maalum la Katiba Prof. Costa Ricky Mahalu akisoma azimio la kutunga na kupitisha kanuni za bunge Maalum.

Mjumbe wa Bunge Maalum la Katiba na Mwenyekiti wa Chama cha Wananchi CUF Prof. Ibrahim Lipumba akiiunga Mkono Azimio la Kutunga na Kupitisha kanuni za Bunge Maalum la katiba leo Mjini Dodoma.

Mjumbe wa Bunge Maalum la Katiba Dkt. Fransis Michael akiwaomba wajumbe wa bunge maalum la katiba kuunga mkono na Kupitisha Azimio la Kutunga na Kupitisha kanuni za Bunge Maalum la katiba ili kuwa na umoja na kutekeleza jukumu hili la kitaifa leo Mjini Dodoma.

Mjumbe wa Bunge Maalum la katiba na Naibu Waziri Wizara ya Elimu na Mafunzo ya Ufundi Jenista Mhagama akiunga Mkono Azimia la Kutunga na Kupitisha kanuni za Bunge Maalum la katiba leo Mjini Dodoma.

Mjumbe wa Bunge Maalum la Katiba Bw. James Mbatia akiunga Mkono Azimia la Kutunga na Kupitisha kanuni za Bunge Maalum la katiba na kuwataka wajumbe wengine kufanya hivyo ili kuanza kikao cha bunge maalum la katiba leo Mjini Dodoma.

Mjumbe wa Bunge Maalum la Katiba Panya Ally Abdalah(Mwenye mtandio wa Zambarau) akiiunga Mkono Azimia la Kutunga na Kupitisha kanuni za Bunge Maalum la katiba leo Mjini Dodoma.

Mjumbe wa Bunge Maalum la Katiba Sheikh. Mussa Kundecha akiwataka wajumbe wa Bunge Maalum la Katiba Kuwa wamoja na Kupitisha Azimio la Kutunga na Kupitisha kanuni za Bunge Maalum la katiba leo Mjini Dodoma.

Mjumbe wa Bunge Maalum la Katiba Askofu Amon Muhagachi akiunga mkono Azimio la Kutunga na Kupitisha kanuni za Bunge Maalum la katiba na kuwataka wajumbe wa Bunge Maalum la Katiba kuunga mkono azimio kwa maslahi ya Taifa.

Mwenyekiti wa Muda wa Bynge Maalum la Katiba akiwaleza jambo wajumbe wa Bunge Hilo kabla ya kuahirishwa mpaka kesho jioni na Kuwataka wale wanaotaka kuchukua fomu ya uenyekiti kuanza kuzichukua leo.

Mjumbe wa Bunge Maalum la Katiba Frederick Msigala akiunga Mkono Azimio la Kutunga na Kupitisha kanuni za Bunge Maalum la katiba.

(Picha na Hassan Silayo-MAELEZO)

……………………………………

Na Jovina Bujulu, Maelezo Dodoma.

Wajumbe wa Bunge Maalum la Katiba wameunga mkono azimio la kutunga na kupitisha kanuni za bunge Maalum la katiba.

Wakiongea kwa nyakati tofauti ndani ya ukumbi wa bunge baadhi ya wajumbe waliopata nafasi waliwataka wajumbe wengine kuunga mkono na kupitisha azimio hilo kwa maslahi ya taifa na wananchi kwa ujumla.

Aidha wajumbe hao waliwapongeza wajumbe walio katika kamati ya kuandaa rasimu ya kanuni itakayotumika kuongoza bunge hilo kwa kazi waliyoifanya tangu kuanza kwa semina ya marekebisho ya kanuni hizo.

Pia wajumbe walimpongeza mwenyekiti wa muda wa bunge hilo Bw. Pandu Ameir Kificho kwa kuongoza bunge hilo la uandaaji wa kanuni kwa umakini na busara.

Naye mwenyekiti wa muda wa bunge hilo Bw. Pandu Ameir Kificho aliwataka wajumbe wenye nia ya kugombea uenyekiti wa Bunge hilo kwenda kuchukua fomu za maombi za nafasi hiyo katika ofisi za katibu wa bunge.

Kuhusu suala la Makamu mwenyekiti wa Bunge hilo Bw. Kificho alisema kwamba nafasi hiyo itajazwa pale mwenyekiti atakapopatikana kwani matakwa ya sheria ya bunge hilo yanataka nafasi hizo kuwa na wawakilishi toka pande zote mbili za Tanzania.

“Tunasubiri kumpata mwenyekiti kwanza kabla ya makamu mwenyekiti kwani sheria inasema iwapo mwenyekiti atatoka Tanzania bara basi makamu wake atatoka Zanzibar na vilevile kama mwenyekiti atatoka Zanzibar basi makamu wake atatoka Tanzania bara.” Alisema Kificho.

Mpaka jioni ya leo wajumbe 4(nne) wameshachukua fomu hizo wakiwamo Samwel Sitta, Theresia Huviza, John Lifa Chipaka na Hashim Rungwe.

on Tuesday, March 11, 2014