WAANGALIZI WA KIMATAIFA WA UCHAGUZI WAENDELEA KUPATA UFAFANUZI JUU YA MASUALA YANAYOHUSIANA NA VYAMA VYA SIASA NA UCHAGUZI.

 Msajili wa Vyama vya Siasa Nchini . Jaji Francis S. K  Mutungi akizungumza na Waangalizi wa  uchaguzi Mkuu  kutoka Bunge la Jumuiya ya Maendeleo ya Nchi za Kusini mwa Afrika (SADC) katika ukumbi wa mikutano wa Ofisi hiyo jana Oktoba 21,2015.

 Baadhi ya Waangalizi wa Uchaguzi kutoka Bunge la Jumuiya ya Maendeleo ya Nchi za Kusini mwa Afrika (SADC)

kushoto ni Msajili Msaidizi Usajili wa Vyama vya Siasa Bw. Sisty Nyahoza akielezea utekelezaji wa majukumu ya Ofisi ya Msajili wa vyama vya Siasa , kulia ni Msajili wa Vyama vya Siasa Jaji francis Mutungi.

Picha ya pamoja ya Jaji  Francis S.K Mutungi , Waangalizi wa Uchaguzi kutoka Bunge la Jumuiya ya Maendeleo ya Nchi za Kusini mwa Afrika (SADC) na baadhi ya watumishi kutoka Ofisi ya Msajili wa Vyama vya Siasa.

Na Anitha Jonas – MAELEZO.

TUME ya Uchaguzi ya Taifa nchini NEC imewataka waangalilizi wa uchaguzi kufanya kazi kwa kuzingatia sheria  ya waangalizi wa uchaguzi katika uchaguzi mkuu unaotarajiwa kufanyika oktoba 25 mwaka huu.

Hayo yaliyasemwa na Mwenyekiti wa Tume ya Uchaguzi ya Taifa Jaji mstaafu Damian Lubuva alipokuwa akizungumza na waangalizi wa uchaguzi mkuu kutoka nchi za  Jumuiya ya Madola uliyofanyika jana jijini Dar es Salaam.   

“Tunataka amani na utulivu wa nchi uendelee kuwepo  hata baada ya uchaguzi hivyo fanyeni kazi yenu  ya uangalizi kwa kuzingatia sheria na msikiuke misingi ya sheria  hiyo”,alisema Jaji Lubuva.

Akizungumza kuhusu maswali waliyomuhoji  waangalizi  hao Jaji Lubuva alisema waangaliza hao walizungumzia  mambo mbalimbali ikiwemo maandalizi ya uchaguzi kwa upande wa Tume ikiwa ni pamoja na usambazaji wa vifaa, ambavyo vimekwisha sambaazwa nchi nzima.

Mbali na hayo Mwenyekiti wa NEC alitoa ufafanuzi kwa waangalizi hao wa uchaguzi katika suala la wapiga kura  kutosimama hata baada ya mita 200 katika vituo vya kupiga kura.

“Tume iliamua kutoa tamko hilo baada ya kuona changamoto za wapiga kura na kuamua kutoa maelekezo kuwa watu wakishapiga kura waondoke vituoni  wakaendelee na shughuli zao,lakini hata hivyo kwasasa suala liko mahamamani lakini msimamo wa  Tume ni ule ule kwani mikusanyiko hiyo huweza kuchangia uvunjifu wa amani ila tataendelea kusikiliza mahakama itaamua nini” aliongeza Jaji Lubuva.

Aidha Tume imesema uchanguzi unaonekana kufuatiliwa na wananchi wengi na wito wake kwa wananchi hao ni kwenda kupiga kura huku wakilinda amani na utulivu wan chi A kwa kuondoka katika kituo cha kupiga kura na kwenda kuendelea na shuguli zao na kuwataka warudi vituoni jioni kuangalia matokeo.

Hata hivyo tume imewataka viongozi wadini waendelee kuhubiri amani  kwa waumini wake na kuwasihi viongozi wa vyama waache kuwaambia wafuasi wao wabaki vituoni mara baaada ya kupiga kura kwani mikusanyiko hiyo huweza kuchangia uvunjifu wa amani.

on Thursday, October 22, 2015