Jambazi la uawa na Jeshi la Polisi Mkoani Singida!

 

Na Nathaniel Limu

[SINGIDA] Jeshi la Polisi Mkoani Singida, limefanikiwa kumuawa Dotto William anayekadiriwa kuwa na umri kati ya 30 na 33 mkazi wa Kibaoni kata ya Kindai tarafa ya Unyaminkumbi mjini Singida anayesadikika kuwa ni jambazi sugu,wakati wa kupukushani za kumnyang’anya askari silaha.

 

 Mtuhumiwa huyo ujambazi na  kinara  wa matukio ya utekaji magari kwenye eneo la barabara kuu ya Singida-Nzega, alipigwa risasi wakati alipojaribu kupambana na askari ana kwa ana.

 

Marehemu huyo, anadaiwa kutoka gerezani hivi karibuni, kutokana na msamaha rais, serikali ya awamu ya nne, chini ya Dk. Jakaya Kikwete

 

Kamanda wa jeshi la polisi mkoa wa Singida,ACP Thobias Sedoyeka,alisema tukio hilo limetokea novemba 19 mwaka huu saa 5.30 asubuhi huko katika maeneo ya Kindai mjini hapa akiwa amejificha kwenye nyumba ya mtu mmoja ambaye bado anatafutwa na polisi.

Alisema kuwa, tukio hilo lilitokea katika pori la kijiji cha Minyughe, wilayani Ikungi, wakati mtuhumiwa huyo alipoongozana na askari polisi kwenda kuwaonyesha silaha aliyoificha, anayoitumia kuteka magari.

Alisema kuwa, licha ya marehemu kuhusishwa na matukio mengi ya uhalifu, ikiwemo utekaji wa kituo cha mafuta Igunga, mkoani Tabora na magari katika mlima Kititimo, mjini Singida, siku ya novemba 18 saa 4:00 usiku mwaka huu, aliteka pia magari matano, wilayani Mkalama.

Kamanda Sedoyeka alisema kuwa siku hiyo mtuhumiwa huyo akitumia pikipiki yenye namba za usajili MC 855 AWF Sunlag na wenzake kadhaa,alifanya uhalifu katika kijiji cha Milade wilaya Mkalama kwa kupora abiria fedha na vitu mbalimbali, kabla ya kutokomea kusikojulikana.

Ilidaiwa kabla ya uhalifu huo, alitega mawe makubwa barabarani, hali iliyomrahisishia ujambazi wake, ikiwmo kuwapiga kwa fimbo, marungu na kuwatishia abiria kwa kutumia bunduki aliyokuwa nayo.

Alisema kuwa, baadaye polisi walifanikiwa kumkamata jambazi huyo akiwa na Pikipiki yake ndani ya nyumba moja iliyopo mtaa wa Kibaoni, Singida mjini, na baada ya mahojiano alikiri na kwenda kuwaonyesha bunduki anayotumia kwenye ujambazi, ikiwemo utekaji magari.

Sedoyeka alisema baada ya kufika eneo alikoficha silaha hiyo katika pori la Minyughe, wilaya ya Ikungi, lilifanikiwa kutoa bunduki hiyo aina ya SAR namba 51025, ikiwa imefichwa kwenye kichaka, ikiwa na risasi zake tatu.

Hata hivyo Sedoyeka alisema kuwa, askari aliyeongozana naye alipotaka kuichukua, jambazi hilo lilimrukia kwa lengo la kumdhuru, lakini askari mwingine alifanikiwa kumpiga risasi na hatimaye kupoteza maisha wakati likipelekwa kutibiwa katika hospitali ya Mkoa.

Kutokana na tukio hilo, Sedoyeka ametoa tahadhari kwa wananchi kujihadhari na matukio ya uhalifu katika kipindi hiki cha kuelekea siku kuu za mwisho na mwanzo wa mwaka.

on Friday, November 20, 2015